❄️ قار کیمی ❄️
قار کیمی آغ گلدیم ، لکه سیز گلدیم ،
سس سیزجه یاغمیشدیم یوللارینا من .
من سنین عؤمرونه بلکه سیز گلدیم
ییغیلدین گوج کیمی قوللاریما سن ...
بیتدی باخیشلارین نغمه سی ، سؤزو
سکوت قوللاریندا گزدیردی بیزی ...
سویودوق قار کیمی ...نه دئییم ، دوزو ،
بلکه بو سویوقلوق بئزدیردی بیزی ...
ایندی خاطیره نله یاناجاغام من ،
گولسن ، گولوشونه بورونه جه یم .
قار کیمی اووجونا یاغاجایام من ،
قار کیمی اووجوندا ارییه جه یم ! ...
حسرتین قلبیمده دینیر تار کیمی ،
نغمه لر دنیزدیر ، وصالین قاییق .
سنده آی سئوگیلیم ،گئتدین قار کیمی
قاییتسان ،قار کیمی لکه سیز قاییت!